မော်ကွမ် ဒေသဖွံ့ဖြိုးတိုးတက်ရေးအဖွဲ့သည် ပိုမိုကောင်းမွန်သော အသက်မွေးဝမ်းကြောင်းပြုမှု၊ သင်ယူမှုနှင့် အတွေ့အကြုံ မျှဝေမှုတို့ဖြင့် ဒေသခံလူထု၏ဖွံ့ဖြိုးတိုးတက်မှုကို မြှင့်တင်ရန်အတွက် အစဉ်တစိုက်ကြိုးစားလုပ်ဆောင်လာသော အဖွဲ့ဖြစ်သည်။ မော်ကွမ် ဒေသဖွံ့ဖြိုးတိုးတက်ရေးအဖွဲ့၏ လူမှုကရုဏာလုပ်ငန်း ဝန်ဆောင်မှုများ လွှမ်းခြုံသောစီမံချက်မြို့နယ်များမှာ ကျိုင်းတုံမြို့နယ်၊ တာချီလိတ်မြို့နယ်၊ မိုင်းခတ်မြို့နယ်၊ မိုင်းယန်းမြို့နယ်နှင့် မိုင်းယောင်းမြို့နယ် တို့ဖြစ်သည်။ မော်ကွမ် ဒေသဖွံ့ဖြိုးတိုးတက်ရေးအဖွဲ့သည် စုစုပေါင်းကျေးရွာအုပ်စု ( ၂၅ )အုပ်စု နှင့် ကျေးရွာပေါင်း ( ၅၀၀ ) ရွာတွင် စီမံချက်များဝင်ရောက် လုပ်ကိုင်ခဲ့သည်။ စတင်ဖွဲ့စည်းသည့် ၂၀၀၄ ခုနှစ်မှ စ၍ ယနေ့ထိ စီမံချက်ပေါင်း (၁၈) ခုကို လုပ်ကိုင်ခဲ့ပြီး အကျိုးခံစားခွင့်ရှိသူ စုစုပေါင်း (၂၀,၀၀၀)သို့ အကူအညီများရောက်အောင် လုပ်ဆောင်နိုင်ခဲ့သည်။ မော်ကွမ် သည် အသက်(၅)နှစ်အောက်ကလေးများ၊ ကိုယ်ဝန်ဆောင်နှင့် နို့တိုက်မိခင်များအတွက် အာဟာရဆိုင်ရာ အသိပညာပေးစီမံချက်၊လုံခြုံစိတ်ချရသော ရွှေ့ပြောင်းသွားလာမှုစီမံချက်၊ ကလေးသူငယ်ကာကွယ်စောင့်ရှောက်ရေးစီမံချက်၊အမျိုးသမီးအခွင့်အရေးနှင့်အကြမ်းဖက်မှုလျော့ချရေးစီမံချက်၊ အသက်မွေးဝမ်းကျောင်းဆိုင်ရာစီမံချက် (စိုက်ပျိုးရေး၊ မွေးမြူရေး၊ အသေးစား၊အလတ်စား ဝင်ငွေတိုးလုပ်ငန်းများ)၊ လူကုန်ကူးမှုတားဆီး ကာကွယ်ရေးစီမံချက်တို့ကို အကောင်အထည်ဖော် ဆောင်ရွက်ပြီး ဒေသဖွံ့ဖြိုးတိုးတက်ရေးအတွက် တတောင့်တနေရာမှ ပံ့ပိုးပေးနိုင်ခဲ့သည်။
မော်ကွမ် ဒေသဖွံ့ဖြိုးတိုးတက်ရေးအဖွဲ့မှ အကောင်အထည်ဖော်ဆောင်ရွက်သော စီမံချက်/စီမံကိန်းများ၏ အဓိကရည်မှန်းချက်ပန်းတိုင်မှာ ဒေသအတွင်းမှီတင်းနေထိုင်ကြသည့် တိုင်းရင်းသားလူမျိုးပေါင်းစုံတို့၏ ရေရှည်တည်တံ့သော ဖွံ့ဖြိုးတိုးတက်မှုများအတွက် ကိုယ်တိုင်ပါဝင်စွမ်းဆောင်နိုင်စေရန်နှင့် စဉ်ဆက်မပြတ် တိုးတက်မှုဖြစ်ပေါ်နေစေရန် ရည်ရွယ်ပါသည်။ ဤသည်မှာလည်း မော်ကွမ် ဒေသဖွံ့ဖြိုးတိုးတက်ရေးအဖွဲ့၏ အနာဂတ်ပုံရိပ်(Vision) ဖြစ်သည်။ မိမိတို့အဖွဲ့၏ အဓိကရည်မှန်းချက်ပန်းတိုင်ကို ရောက်ရှိအောင်မြင်စေရန်အတွက် ရေရှည်တည်တံ့သော အသက်မွေးဝမ်းကျောင်းဆိုင်ရာ နည်းပညာပံ့ပိုးခြင်း၊ ကိုယ်တိုင်ထုတ်လုပ်သောထုတ်ကုန်ပစ္စည်းများ ပြန်လည်ရောင်းချနိုင်ရန်အတွက် ဈေးကွက်နှင့်ချိတ်ဆက်ပေးခြင်း၊အသက်မွေးဝမ်းကျောင်းနှင့် သက်ဆိုင်သော(Application)များ အသုံးပြုတတ်အောင် သင်ကြားပေးခြင်း၊ကျန်းမာပြီး အသက်ရှည်စွာ နေထိုင်လုပ်ကိုင်စားသောက်နိုင်ရေးအတွက် ကျန်းမာရေးစောင့်ရှောက်မှုနှင့်ဆိုင်သော အသိပညာပေးလုပ်ငန်းများ လုပ်ဆောင်ပေးခြင်းအစရှိသည့် လုပ်ငန်းများကိုလုပ်ဆောင်ပေးခြင်းဖြင့် အကောင်အထည်ဖော် ဆောင်ရွက်နေပါသည်။
ထို့အပြင် ရှမ်းပြည်နယ်အရှေ့ပိုင်းသည် စိတ်ဝင်စားဖွယ်တိုင်းရင်းသားမျိုးနွယ်စုများ မှီတင်းနေထိုင်ကြသည့် ဒေသတခုဖြစ်သည့်အားလျော်စွာ ၎င်းတို့၏ယဉ်ကျေးမှုအမွေအနှစ်များ၊ အမျိုးသားရေးလက္ခဏာများ မပျောက်ပျက်အောင် ထိန်းသိမ်းသည့် စီမံချက်/စီမံကိန်းများကိုလည်း အကောင်အထည်ဖော် ဆောင်ရွက်လျက်ရှိသည်။
မော်ကွမ် ဒေသဖွံ့ဖြိုးတိုးတက်ရေးအဖွဲ့သည် ရှေ့လုပ်ငန်းစဉ်များ အဆင်ပြေချောမွေ့ပြီး ပိုမိုကောင်းမွန်သော အကျိုးရလဒ်များ ရရှိစေရန်အတွက် သက်ဆိုင်ရာ ဦးစီးဌာနများ၊ မိတ်ဖက်အဖွဲ့အစည်းများနှင့် ပူးပေါင်းဆောင်ရွက်နေပါသည်။
ရှမ်းပြည်နယ်အရှေ့ပိုင်း၊ ဒေသများအတွင်း၊ မှီတင်းနေထိုင်ကြကုန်သော တိုင်းရင်းသားလူမျိုးပေါင်းစုံပါဝင်သည့် ကျေးရွာလူထုသည် ယင်းတို့ရပ်ရွာ၏ ရေရှည်တည်တံ့သောဖွံ့ဖြိုးတိုးတက်မှုများအတွက် ကိုယ်တိုင်ပါဝင် စွမ်းဆောင်နိုင်ပြီး စဉ်ဆက်မပြတ် ဖြစ်ပေါ် နေစေရန်။
ရှမ်းပြည်နယ်အရှေ့ပိုင်း ဒေသများအတွင်း မှီတင်းနေထိုင်ကြကုန်သော တိုင်းရင်းသားလူမျိုးစုပေါင်းစုံတို့၏ ရေရှည်တည်တံ့သော ဖွံဖြိုးတိုးတက်မှုများ ဖြစ်ပေါ်နေစေရန်အတွက် ၎င်းတို့ကိုယ်တိုင် စွမ်းဆောင်ရည်များ မြှင့်တက်လာပြီး ရေရှည်တည်တံ့သော အသက်မွေးဝမ်းကျောင်းဆိုင်ရာ နည်းပညာများပံ့ပိုးပေးခြင်း၊ စျေးကွက်ချိတ်ဆက်ခြင်းအားဖြင့် လူမှုစီးပွားရေးဖွံ့ဖြိုးတိုးတက်လာစေရန် အကောင်အထည်ဖော် ဆောင်ရွက်သွားမည် ဖြစ်သည်။
·
အဖွဲ့အစည်းဖွံ့ဖြိုးတိုးတက်ရေးဆိုင်ရာ ရည်မှန်းချက်များ
·
လုပ်ငန်းအစီအစဉ်ဆိုင်ရာ ရည်မှန်းချက်များ
· ဘဏ္ဍာရေးဆိုင်ရာ
စံတန်ဖိုးထားမှုများ·
မတူကွဲပြားသော ယဉ်ကျေးမှုများကို တန်ဖိုးထားခြင်း
·
တာဝန်ခံမှုနှင့် ပွင့်လင်းမြင်သာမှုရှိခြင်း
·
အတူတကွပါဝင်ခြင်းနှင့် ကတိကဝတ်ထားခြင်း
· တုံ့ပြန်ဆောင်ရွက်မှုကောင်းသော အဖွဲ့ဖြစ်အောင်ဆောင်ရွက်ခြင်း
· လူသားအရင်းအမြစ်ဆိုင်ရာမူဝါဒ
·
ဝန်ထမ်းလက်စွဲစာအုပ်/ ဝန်ထမ်းရေးရာမူဝါဒ
·
လိင်ပိုင်းဆိုင်ရာ အကြမ်းဖက်မှုကာကွယ်ခြင်းမူဝါဒ (PSEA
policy)
·
ငွေကြေးဆိုင်ရာမူဝါဒ
·
ကလေးသူငယ်မူဝါဒ
·
ဝယ်ယူရေးနှင့် ထောက်ပို့ဆောင်ရေးမူဝါဒ
·
ကျင့်ဝတ်စည်းကမ်းများ (CoC)
·
ကျား၊မ ရေးရာမူဝါဒ
·
ဆက်သွယ် ချိတ်ဆက်ရေးမူဝါဒ